Biełaruskija handbalisty sastupili ispanskaj «Barsiełonie» ŭ Lizie čempijonaŭ
Brescki handbolny kłub imia Miaškova prajhraŭ ispanskaj «Barsiełonie» ŭ chatnim pajadynku hrupavoha etapu Lihi čempijonaŭ, paviedamlaje BiełTA.
Čempijony Biełarusi amal uvieś matč hulali na roŭnych ź ispanskim hrandam, syjšoŭšy na pierapynak z deficytam usiaho ŭ adzin miač -14: 15. U druhim tajmie haściam udałosia syści ŭ adryŭ, i jany daviali sustreču da pieramohi z roźnicaj u 8 miačoŭ - 29:21.
Heta treciaja zapar paraza BHK u papiaredniaj hrupie A Lihi čempijonaŭ paśla dźviuch viktoryj na starcie. Nahadajem, bieraściejcy pieramahli šviedski «Krystyjanstad» - 32:30 (u haściach) i francuzski «Manpielje» - 26:23 (doma), a taksama prajhrali niamieckamu kłubu «Rajn Levien» - 27:33 (u haściach) i vienhierskamu «Viesprem «- 28:29 (doma).
Paśla 5 sustreč u aktyvie BHK zastałosia 4 ački. Nastupny matč padapiečnyja Manoła Kadenasa praviaduć 4 listapada ŭ Skopje suprać makiedonskaha «Vardara».