Futbalist Viačasłaŭ Hleb razam z žonkaj pryjechaŭ u «Pajedziem, pajadzim». Volha Hleb pakazała ludziam siaredni palec VIDEA
dapoŭniena
Aktyvistka Hanna Šapućka apublikavała ŭ fejsbuku videa z udziełam viadomaha biełaruskaha futbalista Viačasłava Hleba i jaho žonki Volhi. Siamiejnaja para pryjechała va ŭstanovu «Pajedziem, pajadzim», i ŭ jaje zdaryŭsia kanflikt z aktyvistami z kurapackaj varty. Viačasłaŭ i Volha Hleb krytykavali dziejańni aktyvistaŭ, a ŭ kancy videa Volha Hleb kinuła ŭ adnaho z aktyvistaŭ svaje survetki i z uśmieškaj na tvary pakazała siaredni palec.
Taksama Volha Hleb prademanstravała ŭ svaim instahramie fotazdymki z «Pajedziem, pajadzim». Paźniej jana vydaliła fatahrafiju, adnak jaje skrynšot zachavaŭsia.