Bukiera atrymała piśmieńnica z Paŭnočnaj Irłandyi
Mižnarodnuju litaraturnuju premiju atrymaje piśmieńnica Hanna Bierns za jaje raman Milkman. «Nichto z nas nikoli raniej nie čytaŭ ničoha padobnaha», — skazaŭ staršynia žury.
Kniha Bierns Milkman raspaviadaje pra raman maładoj dziaŭčyny z žanatym mužčynam, jaki starejšy za jaje. Dziejańnie razhortvajecca padčas kanfliktu ŭ Paŭnočnaj Irłandyi. Jaje pieršy raman No Bones, jaki prynios viadomaść aŭtaru, taksama apaviadaje pra padziei hetaha pieryjadu.
«Nichto z nas nikoli raniej nie čytaŭ ničoha padobnaha. Zusim svojeasablivaja mova Bierns kidaje vyklik štodzionnamu myśleńniu i formie ŭ dziŭnaj i zachaplalnaj prozie», — pryvodziacca ŭ paviedamleńni słovy staršyni žury Kvamie Entani Apia.
Bukieraŭskaja premija była zasnavanaja ŭ 1968 hodzie. Pieramožca atrymlivaje £50 tys.