Prysud kamandziram Alaksandra Koržyča vyniesuć u piatnicu
Prakuror prosić pakarać staršaha lejtenanta Paŭła Sukavienku 6 hadami pazbaŭleńnia voli, piša Radyjo Svaboda.
Prysud u spravie staršaha lejtenanta Paŭła Sukavienki i praparščyka Artura Virbała vyniesuć 19 kastryčnika ŭ 14.30. Pra heta stała viadoma na pasiedžańni 17 kastryčnika, na jakim padsudnyja vystupili z apošnim słovam.
Praces u spravie Paŭła Sukavienki i Artura Virbała pačaŭsia 1 kastryčnika, jaho razhladaje Mienski abłasny sud. Abodva padsudnyja kamandavali rotaj, u jakoj słužyŭ Alaksandar Koržyč. Sukavienka źjaŭlajecca adzinym aficeram, jakoha sudziać paśla śmierci Koržyča. Niepasredna na pracesie pa fakcie śmierci sałdata jon vystupaŭ u jakaści śviedki.
Sukavienku i Virbała abvinavačvajuć u pieravyšeńni ŭłady, albo ŭ biaździejańni ŭłady pavodle častak 1 i 2 artykułu 455 Kryminalnaha kodeksu. Pavodle versii śledztva, jany nieadnarazova bili padnačalenych im siaržantaŭ, a taksama vymahali ŭ ich pradukty charčavańnia i cyharety. Akramia hetaha, Sukavienku abvinavačvajuć u prysvajeńni častki hrašovych srodkaŭ, jakija jon pavinien byŭ vydavać padnačalenym sałdatam i siaržantam.
Svaju vinu Artur Virbał pryznaŭ całkam, Pavał Sukavienka admaŭlaje, što jahonyja dziejańni byli nakiravanyja na zamacavańnie ŭłasnaha aŭtarytetu i prynižeńnie padnačalenych.