U Ivacevickim rajonie miadźviedź razburyŭ vulli
U lasach Ivacevickaha rajona błukaje miadźviedź. Ślady jaho bačyli ŭ palaŭničych uhodździach na Cielachanščynie. Stała viadoma, što žyvioła pačała źniščać vulli pčalaroŭ, piša «Ivacevicki vieśnik».
Fota: pixabay.
Žurnalistam pra heta paviedamiŭ pčalar Siarhiej B. Upieršyniu jamu i jaho znajomym siabram pa zachapleńni pčołami pryjšłosia zabirać vulli ź lesu kala Kozikaŭ, bo drapiežnik truščyć hetyja vulli, niby pački zapałak. Hetyja vulli stajali tam dziesiacihodździami i ŭ zimovy pieryjad, nichto ich nie kranaŭ, ale ciapier pačałosia niezrazumiełaje. Siarhiej B. paviedamiŭ, što miascovyja jehiery paćviardžajuć dahadku: tut haspadaryć miadźviedź.