Šajhu zajaviŭ, što Rasija za try hady ŭ Siryi źniščyła 87,5 tysiač bajevikoŭ
mil.ru
Padčas apieracyi Rasii ŭ Siryi, jakaja doŭžycca try hady, byli zabityja 87,5 tysiač bajevikoŭ. Pra heta zajaviŭ ministr abarony Siarhiej Šajhu.
Padčas vystupleńnia na Piataj naradzie ministraŭ abarony Asacyjacyi dziaržaŭ Paŭdniova-Uschodniaj Azii (ASIEAN) i partnioraŭ pa dyjałohu ŭ Sinhapury jon raspavioŭ, što z 2015 hoda vyzvalenyja 1,4 tysiačy nasielenych punktaŭ i bolš za 95 pracentaŭ terytoryi Siryi.
Šajhu adznačyŭ, što VKS Rasii źniščyli kala 122 tysiač abjektaŭ terarystaŭ, a rasijskija vajennyja samaloty ździejśnili bolš za 40 tysiač bajavych vyletaŭ. Pa słovach ministra, pry padtrymcy rasijskaj avijacyi terarysty ID byli całkam razhromlenyja. «U Siryi my atrymali bahaty bajavy dośvied, jakim hatovy padzialicca», - skazaŭ na zakančeńnie Šajhu.