RPC pryznała Usialenskaha patryjarcha raskolnikam
flickr.com
Ruskaja pravasłaŭnaja carkva (RPC) pastanaviła, što Kanstancinopalski patryjarch Varfałamiej źjaŭlajecca raskolnikam. Pra heta zajaviŭ staršynia Adździeła źniešnich carkoŭnych suviaziaŭ Maskoŭskaha patryjarchata mitrapalit Vałakałamski Iłaryjon u efiry telekanała Rasija-24, piša TASS.
«Tym faktam, što Kanstancinopalski patryjarch pryznaŭ raskolnikaŭ, jon sam dałučyŭsia da raskołu. Tak dziejničajuć carkoŭnyja kanony», — rastłumačyŭ jon.
19 kastryčnika Archirejski sinod Ruskaj pravasłaŭnaj carkvy za miažoj (RPCZ) padtrymaŭ pazicyju RPC i abviaściŭ pra razryŭ jeŭcharystyčnych znosinaŭ z Usialenskim patryjarchatam, abviaściŭ jaho rašeńni niesapraŭdnymi i abvinavaciŭ u skažeńni kancepcyi praŭdzivaha pravasłaŭja
Pry hetym Kanstancinopal u zvarocie ekzarchata ruskich prychodaŭ u Zachodniaj Jeŭropie da pastvy abviaściŭ, što praciahnie kantakty z RPC, i padkreśliŭ, što ŭ jaho prychodach mohuć malicca i naviedvać tajemstvy ŭsie pravasłaŭnyja vierniki.