Kreml rastłumačyŭ słovy Pucina pra jadzierny ŭdar i raj
kremlin.ru
Rasija nikoli pieršaj nie vykarystaje svoj jadzierny patencyjał, zajaviŭ pres-sakratar prezidenta Dźmitryj Piaskoŭ, kamientujučy vystup Uładzimira Pucina na pasiadžeńni dyskusijnaha forumu «Vałdaj»
«Tam havorka išła nie pra raj, hałoŭnym čynam, i nie pra toje, chto kudy patrapić, a što na daktrynalnym uzroŭni Rasija nie pakidaje za saboj prava dla previentyŭnaha ŭdaru. I heta hałoŭnaje, heta mnohija prapuścili. To bok, u nas u daktrynie prava na pieršy ŭdar nie zafiksavana», — rastłumačyŭ Piaskoŭ.
Pradstaŭnik Kramla dadaŭ, što jadziernaja zbroja moža być vykarystana ŭ vypadku, kali «samo isnavańnie našaj dziaržavy apyniecca pad pahrozaj».
«Heta značyć, my nikoli ni na kaho nie napadziem pieršymi. Ale kali na nas napaduć, tady tam usie trapiać — chto ŭ piekła, chto ŭ raj. Voś što važna było zrazumieć, astatniaje — usio alehoryja», - skazaŭ na zakančeńnie Piaskoŭ.