Kiroŭcu maršrutki z pasažyrami, što raźbiłasia pad Vałožynam, 130 razoŭ štrafavali za parušeńnie PDR
Pra heta ŭ efiry telekanała «Hrodna» paviedamiŭ načalnik rehijanalnaj DAI Uładzimir Nazarka, piša kraj.by.
«Za ŭsiu historyju ŭ kiroŭcy — 130 parušeńniaŭ. Za apošnija dva hady — bolš za 30. Ź ich 27 — parušeńnie chutkasnaha režymu», - raspavioŭ Uładzimir Nazarka
Jon taksama adznačyŭ, što kiroŭcu za paŭtornaje pieravyšeńnie chutkaści dvojčy pazbaŭlali prava kiravańnia transpartnymi srodkami.
Fota SK
Nahadajem, 18 kastryčnika kala 19.40 46-hadovy žychar Hrodna, kirujučy maršrutkaj «Miersedes Bienz», na 74-m kiłamietry aŭtadarohi Minsk — Hrodna nie ŭličyŭ darožnuju abstanoŭku i ŭrezaŭsia ŭ raździalalnuju bietonnuju aharodžu. Dvoje pasažyraŭ zahinuli. Kiroŭca i 13 pasažyraŭ špitalizavany.