Łatyšskija ŚMI: Palaki viarbujuć biełarusaŭ dla pracy ŭ Łatvii
U Polščy nabiraje abaroty novy biznes. Niadaŭnija źmieny ŭ zakanadaŭstvie dazvolili palakam lehalna vierbavać hramadzian trecich krain dla pracy ŭ krainach ES, u tym liku i ŭ Łatvii. Užo zavierbavana vialikaja kolkaść biełarusaŭ i jašče bolšaja kolkaść ukraincaŭ, piša Latvijas Bizness, dadatak Latvijas Avīze.
Zaraz u biełarusaŭ źjaviłasia mahčymaść pracavać u inšych krainach, nibyta pracujučy ŭ Polščy.
Ich adpraŭlajuć u praciahłuju kamandziroŭku. Zarobki, jakija im płaciać, afarmlajucca jak kamandzirovačnyja. Heta značyć, piša Latvijas Bizness, što ŭsie padatki prachodziać mima biudžetu Łatvii. Pry hetym pavialičvajecca kankurencyja za pracoŭnyja miescy, a dziaržava hublaje kantrol nad mihracyjnymi patokami.