U Minsku adbyŭsia kancert pamiaci Alaksandra Kulinkoviča FOTAREPARTAŽ
Siońnia ŭ Minsku adbyŭsia vialiki kancert, pryśviečany pamiaci Alaksandra Kulinkoviča — muzykanta, paeta, lidara hurta «NeuroDubel», što pamior 4 žniŭnia.
Praz hod hurtu spoŭniłasia b 30 hadoŭ; nastupnym letam Kulinkovič płanavaŭ adznačyć jubilej kancertam u PrimeHall, dzie «NeuroDubel» ni razu nie vystupaŭ solna. Muzyki adyhrali vialikuju prahramu biez svajho lidara.
Z hrupaj praśpiavali siabry i kalehi Kulinkoviča: Lavon Volski, Aleh Chamienka, Juryj Stylski, Ihar Varaškievič, Uładzimir Puhač, Źmicier Vajciuškievič, Alaksandr Pamidoraŭ, Aleś Myškievič, Aleś Lutyč, Zoja Schončyk, Anhus Tarnada, Lesley Knife i inšyja.
Hrošy, atrymanyja ad kancertu, pojduć na ŭstalavańnie pomnika Alaksandru Kulinkoviču, vydańnie zbornika jaho publicystyki, a taksama alboma z fotazdymkami hurta.