Vice-premjer Ukrainy na forumie ŭ Homieli prapanavaŭ biełaruskim čynoŭnikam vystupać pa-biełarusku. Tyja nie pahadzilisia
kvedomosti.com
Vice-premjer-ministr — ministr rehijanalnaha raźvićcia, budaŭnictva i žyllova-kamunalnaj haspadarki Ukrainy Hienadź Zubko na forumie rehijonaŭ Biełarusi i Ukrainy ŭ Homieli źviarnuŭsia da biełaruskich udzielnikaŭ mierapryjemstva z prośbaj vystupać na biełaruskaj movie, piša ria.ru
Pieršy Forum rehijonaŭ dźviuch krain prachodzić 25-26 kastryčnika ŭ Homieli. Miarkujecca, što ŭ im voźmuć udzieł Alaksandr Łukašenka i Piatro Parašenka.
«Ja rady vitać ŭsich tut na forumie, pieršym forumie rehijonaŭ Ukrainy i Biełarusi. Dva tydni tamu my praviali pasiadžeńnie ŭkrainska-biełaruskaj kamisii pa pytańniach handlova-ekanamičnaha supracoŭnictva. Heta byŭ vielmi kanstruktyŭny dyjałoh, i my dasiahnuli (pahadnieńnia ŭ rašeńni) šerahu pytańniaŭ. Tady rabočaj movaj pasiadžeńnia była abrana ruskaja. Siońnia tut na forumie pradstaŭniki Ukrainy i Biełarusi. Ja vystupaju na ŭkrainskaj movie i z zadavalnieńniem pasłuchaju biełaruskich kalehaŭ na biełaruskaj movie», — skazaŭ Zubko.
Miž tym, biełaruskija ŭdzielniki forumu praciahnuli vystupać na ruskaj movie. Pa-rusku taksama pramaŭlaŭ i pasoł Ukrainy ŭ Minsku Ihar Kizim.