Parašenka: Na 100% daviaraju Łukašenku
Prezident Ukrainy Piatro Parašenka adznačyŭ «važnaść misii Biełarusi» ŭ pytańni ŭrehulavańnia situacyi z rasijskaj ahresijaj na Danbasie. Pra heta jon skazaŭ 26 kastryčnika padčas vystupu na Forumie rehijonaŭ Ukrainy i Biełarusi ŭ Homieli.
«Ci daviaraju ja Łukašenku? Na 100% daviaraju! I my pra heta kazali. Ci važnaja jaho misija? Vielmi važnaja. Jak i misija Biełarusi», — zajaviŭ Parašenka.
«Naohuł u Biblii skazana: błažennyja miratvorcy, bo jany synami Božymi nazavucca. My pavinny zrabić usio, kab spynić vajnu. Kab pierastali zabivać ukraincaŭ, kab byli vyviedzienyja rasijskija vojski i pačałosia palityčnaje ŭrehulavańnie praz vybary. Ale nie fejkavyja vybary, jakija Rasija choča pravieści praz tydzień, a sapraŭdnyja vybary», — padkreśliŭ prezident Ukrainy.
Parašenka padziakavaŭ Łukašenku i adznačyŭ, što «čaścica Biełarusi zastaniecca ŭ jaho sercy».