Kitaj vyvieŭ na arbitu pieršy kaśmičny bank hienaŭ
Kitajskaja kampanija Shanghai ManWei Technology vyvieła na arbitu pieršy ŭ historyi kaśmičny bank hienaŭ DSB-01, paviedamiła Centralnaje telebačańnie Kitaja.
Zapusk adbyŭsia pry dapamozie rakiety-nośbita «Čančžen-4» z kasmadroma Tajiuań u pravincyi Šańsi na poŭnačy krainy.
Pa słovach arhanizataraŭ prajektu, hienny materyjał, atrymany ad vaśmi hramadzian Kitaja, budzie zachoŭvacca kala tysiačy hadoŭ. Jon źmieščany ŭ śpiecyjalny kantejnier, jaki baronić ad uździejańnia kaśmičnaj radyjacyi.
Jak adznačaje telekanał, pavodle padlikaŭ śpiecyjalistaŭ, Ziamla moža stać nieprydatnaj dla čałaviectva ŭžo ŭ bližejšyja 400 hadoŭ praź pieranasialeńnie i vyčarpańnie resursnaj bazy.
«Miarkujecca, što pry dapamozie hetaha banka hienaŭ budzie stvorana novaja čałaviečaja cyvilizacyja», — havorycca ŭ repartažy. Shanghai ManWei Technology płanuje stvaryć kaśmičny bank hienaŭ ź miljonami ŭzoraŭ.