Jašče adna arabskaja dziaržava zaklikała źmianić staŭleńnie arabskaha śvietu da Izraila
Ministar zamiežnych spravaŭ Amana zajaviŭ, što pryjšoŭ čas pryznać Izrail u jakaści habrejskaj dziaržavy. Heta zajava była zroblena praź dzień paśla nieabvieščanaha vizytu Bińjamina Netańjahu ŭ sułtanat Arabijskaha paŭvostrava, piša Radyjo Svaboda.
Jusuf bin Ałava bin Abduła ahučyŭ pazycyju svajho ŭrada ŭ dačynieńni da Izraila ŭ subotu.
«Izrail źjaŭlajecca dziaržavaj, isnujučaj u rehijonie, i my ŭsie heta razumiejem… Mahčyma, pryjšoŭ čas stavicca da Izrailu taksama, jak da inšych dziaržaŭ rehijonu, kab jon nios takija ž abaviazacielstvy», — skazaŭ bin Ałava padčas narady pa biaśpiecy, jakaja prachodziła ŭ Bachrejnie.
Sustreča premjer-ministra Izraila Bińjamina Netańjahu z sułtanam Amana Kabusam ben Saidam adbyłasia ŭpieršyniu za apošnija 20 hadoŭ, što źjaŭlajecca mahčymym pakazčykam bolš ščylnych suviaziaŭ pamiž dźviuma krainami.
Pra sustreču lideraŭ Izraila i Amana było abvieščana tolki paśla taho, jak Netańjahu viarnuŭsia dadomu. Pa słovach aficyjnaha pradstaŭnika Izraila ŭ interviju hazecie New York Times, Netańjahu i Kabus sustrelisia paśla čatyroch miesiacaŭ papiarednich pieramovaŭ.
Aman doŭhi čas pazycyjanavaŭ siabie jak neŭtralny bok u mnohich kanfliktach, jakija adbyvajucca na Blizkim Uschodzie. Izrail padtrymlivaje aficyjnyja dyplamatyčnyja adnosiny ź dźviuma arabskimi krainami ŭ rehijonie: Ehiptam i Jardanijaj. Vizyt Netańjahu pieršy paśla taho, jak premjer-ministar Izraila Šymon Pieres naviedaŭ Aman u 1996 hodzie i źjaŭlajecca prykmietaj taho, što Aman usprymaje Izrail jak raŭnapraŭnaha partnera