Akcyja — atrymaj biaspłatna nalepku z «Pahoniaj» na aŭtamabil
Biełaruskaja sacyjał-demakratyčnaja partyja (Hramada) abvieściła pra pačatak kampanii pa papularyzacyi histaryčnaha symbala Biełarusi — hierba «Pahonia».
Na pieršym etapie kampanii BSDP płanuje vysyłać poštaj nalepki z histaryčnym hierbam «Pahonia» hramadzianam, jakija źviarnucca da arhanizataraŭ.
Na druhim etapie kampanii biełarusy, jakija naklejać hierb «Pahonia» na svajo aŭto i vyšluć fotazdymak ź im arhanizataram, zdolejuć pryniać udzieł u rozyhryšy aŭtamabilnaha videarehistratara. Ab dacie rozyhryšu budzie paviedamlena dadatkova.
Zajaŭki na «Pahoni», a taksama fotazdymki «Pahoni» na aŭto možna vysyłać na elektronny adras partyi — bsdp.minsk.ck@gmail.com
U zajaŭcy nieabchodna paznačyć imia, proźvišča, imia pa baćku, paštovy adras (indeks, vobłaść, horad, vulica, dom, korpus, kvatera), a taksama mabilny telefon. Adna «Pahonia» budzie vysyłacca na adzin adras.
Akcyja adbudziecca ŭ miežach kampanii «100 hod BNR».
Staršynia BSDP Ihar Barysaŭ adznačaje, što nalepki poštaj — heta ŭnikalnaja mahčymaść dla pradstaŭnikoŭ z rehijonaŭ atrymać hierb «Pahonia», bo znajści jaho ŭ prodažy ŭ siarednich, małych haradach i sielskaj miascovaści amal niemahčyma.
«Čym bolš budzie vizualizacyi hierba «Pahonia» u tym liku na aŭtamabilach, tym bolš maštabna my možam pakazać, što hramadzianie Biełarusi źjaŭlajucca prychilnikami niezaležnaści i nacyjanalnaj dziaržavy ź jaje histaryčnymi simvałami. Usio heta stvaraje fon, dyskurs i nabližaje nas da taho momantu, kali i ŭłada nie moža ihnaravać pazicyi hramadzian, bo jany stanoviacca zaŭvažnymi i maštabnymi, — kaža Ihar Barysaŭ.
U vypadku paśpiachovaści akcyi arhanizatary abiacajuć jaje praciah.