Čempijona śvietu pa futbole — 2006 prysudzili da dvuch hadoŭ turmy za suviazi z mafijaj
Były forvard turynskaha «Juvientusa» i zbornaj Italii Vinčenca Jakvinta byŭ prysudžany da dvuch hadoŭ pazbaŭleńnia voli. Pra heta paviedamlaje Football Italia.
38-hadovaha spartsmiena pryznali vinavatym u niezakonnym zachoŭvańni zbroi. Pieršapačatkova Jakvintu abvinavačvali ŭ suviaziach z mafijaj, adnak abaronie ŭdałosia jaho apraŭdać.
Baćka Jakvinty, Džuzepe taksama prachodziŭ abvinavačanym pa spravie, i jaho dačynieńnie da spraŭ mafii atrymałasia dakazać. Mužčynu prysudzili da 19 hadoŭ turemnaha źniavoleńnia.
Jakvinta zachoŭvaŭ revalvier Magnum, a taksama pistalet Browning razam z bojeprypasami pa prośbie baćki, jakomu heta było zabaroniena rabić jašče ŭ 2012 hodzie z-za suviaziaŭ z kryminalnymi kołami. Zhodna z zakonam, u byłoha futbalista jość mahčymaść paźbiehnuć źniavoleńnia. Jamu dadziena prava abskardzić prysud.
Jakvinta zaviaršyŭ karjeru futbalista ŭ 2012 hodzie. U składzie zbornaj Italii jon staŭ čempijonam śvietu ŭ 2006-m. Forvard viadomy pa vystupach za «Juvientus» i «Udyneze».