500-hadovy čovien pryvieźli ŭ centr Minska FOTAFAKT
Supracoŭniki Instytuta historyi Nacyjanalnaj akademii navuk i dajvinh-centra «Marski piehas» dastali ź Niomana 8-mietrovy dubovy čovien pačatku ChVI st., piša Radyjo Svaboda.
Čovien vahoj paŭtary tony dastavili dla analizu ŭ Akademiju navuk u niadzielu. Znachodku vyjavili ŭ Niomanie la vioski Mikałajeva Iŭjeŭskaha rajona.
Analiz pakazaŭ, što čoŭnu paŭtysiačy hadoŭ, dub dla jaho byŭ śsiečany pamiž 1500-m i 1510 hodam. Archieołahi nie spadziavalisia, što čovien «nastolki staražytny», kaža kandydat histaryčnych navuk Maksim Čarniaŭski. Ciapier navukoŭcy vyrašajuć, jak zakansiervavać znachodku. Dzie budzie zachoŭvacca čovien, vyrašyć kiraŭnictva Instytuta historyi i Akademii navuk.