Liŭni zatapili viłu na Sicylii. Zahinuła siamja z 9 čałaviek FOTA
Dvanaccać čałaviek zahinuli ŭ vyniku pavodki na italjanskim vostravie Sicylija. Pra heta 4 listapada paviedamlaje italjanskaje ahienctva ANSA.
Viła ŭ rajonie Palerma, dzie zahinuła siamja ź dzieviaci čałaviek. Fota ANSA.
U rajonie Palerma zahinuła siamja z 9 čałaviek, jakija sabralisia ŭ adnym domie na siamiejnaje śviata. Siarod zahinułych troje dziaciej va ŭzroście 1, 3, 15 hadoŭ.
Adzin z troch členaŭ siamji, jakim udałosia vyratavacca. Jon adkryŭ dźviery pieršym, i adkinuła patokam vady na dreva. Fota ANSA.
U rajonie pravincyi Ahrydženta achviarami stychii stali mužčyna i žančyna, jakim nie ŭdałosia vybracca z aŭtamabila, što patrapiŭ u vodny patok. Pa toj ža pryčynie zahinuŭ lekar, jaki jechaŭ na pracu ŭ balnicu Karleonie.
Stychija razhulałasia ŭ Italii na minułym tydni. U niekalkich abłaściach na poŭnačy krainy abviaścili «čyrvony» ŭzrovień mieteaniebiaśpieki. U Vieniecyi ŭzrovień vady ŭ kanałach dasiahnuŭ adznaki 156 sm nad uzroŭniem mora. Škodu ad pavodki acanili ŭ adzin miljard jeŭra.