Jak u pieršabytnyja časy. U Juravičach troje maładzionaŭ žorstka źbili susiedziaŭ: adzin pamior
Zdareńnie adbyłosia ŭ Juravičach Kalinkavickaha rajona ŭ noč na 4 listapada, paviedamlaje SK.
Kampanija maładych ludziej kala pryvatnaha doma z metaj naŭmysnaha pazbaŭleńnia žyćcia žorstka źbiła 38-hadovaha haspadara doma i jaho 45-hadovaha susieda. Zatym jany ŭzłamali ŭvachodnyja dźviery doma, pranikli ŭnutr i źbili 33-hadovuju žonku haspadara doma.
Ź cialesnymi paškodžańniami roznaj stupieni ciažkaści paciarpiełyja byli špitalizavanyja, dzie ŭviečary 4 listapada pamior źbity susied pary
Milicyja zatrymała troch miascovych žycharoŭ: im pa 25, 20 i 17 hadoŭ. Ź imi pracujuć śledčyja, matyvy i abstaviny ździajśnieńnia złačynstva vyśviatlajucca. Raniej usie troje pryciahvalisia da kryminalnaj adkaznaści.
Rasśledavańnie kryminalnaj spravy ŭziata na asabisty kantrol načalnikam USK pa Homielskaj vobłaści.