Abvieščany prysud siaržantam, jakija daviali Koržyča da samahubstva. A ministr Raŭkoŭ atrymaŭ zaŭvahu
dapoŭniena
Minski abłasny sud abviaściŭ prysud trom siaržantam, jakija abvinavačvajucca ŭ daviadzieńni da samahubstva Alaksandra Koržyča, pieradaje BiełTA.
Fota: Tut.by.
Maksimalnaje pakarańnie pryznačana Jaŭhienu Baranoŭskamu: jaho prysudzili da 9 hadoŭ kałonii ŭzmocnienaha režymu. Jon pryznany vinavatym u nieadnarazovym atrymańni chabaru, pieravyšeńni ŭłady, što paciahnuła ciažkija nastupstvy, a taksama ŭ kradziažy.
Anton Viaževič prysudžany da 7, Jahor Skuratovič — da 6 hadoŭ kałonii ŭzmocnienaha režymu. Anton Viaževič i Jahor Skuratovič pryznanyja vinavatymi ŭ chabarnictvie i pieravyšeńni ŭłady.
Sud vynies pryvatnuju pastanovu na adras ministra abarony Andreja Raŭkova, paviedamlaje Tut.by. U dakumiencie havorycca, što ŭ 72 navučalnym centry słužbovyja asoby vykonvali abaviazki nie ŭ poŭnaj miery. Sud źviarnuŭsia da ministra abarony, kab jon pryniaŭ miery — i padobnaje nie paŭtaryłasia.
Sud pa hetaj spravie pačaŭsia 8 žniŭnia i prachodziŭ u budynku suda Maskoŭskaha rajona Minska.