Miron uźniaŭ ściah u honar słuččakoŭ
Bieł‑čyrvona‑bieły ściah źjaviŭsia 29 listapada a 17‑j viečara na ŭjeździe ŭ Słucak z boku Miensku.
Padrabiaznaści pra źjaŭleńnie ściaha raspavioŭ viciebski apazycyjaner Barys Chamajda, jakomu pra heta stała viadoma z vartych davieru krynic.
Spadar Chamajda paviedamiŭ taksama , što da ściaha prymacavana cydułka nastupnaha źmiestu: «Viečnaja słava hierojam Słuckaha zbrojnaha čynu! My pavinny być vartymi vašaha mužnaha podźvihu! Žyvie Biełaruś! Žyvie viečna! Miron».
Pavodle Barysa Chamajdy, ściah u honar 88‑j hadaviny słuckaha paŭstańnia łunaŭ niekalki hadzinaŭ. Na dumku apazycyjanera, źniać jaho było dastatkova ciažka, bo pa dratach, na jakich jon visić, pieradajecca elektratok pad vysokaj napruhaj.