Spynili kryminalnyja spravy suprać Karetnikava i Šaramieta za vybuch 4 lipienia
Były lider «Pravaha aljansu» Juraś Karetnikaŭ 21 listapada atrymaŭ list z hieneralnaj prakuratury, dzie paviedamlałasia, što suprać jaho spynienaja kryminalnaja sprava pa «fakcie chulihanstva z vykarystańniem vybuchovaj pryłady 4 lipienia».
Praz try dni Karetnikavu pryjšoŭ inšy list, z MUS Mienharvykankamu, dzie adznačałasia, što ź jaho źniaty status nievyjaznoha z krainy. Taksama ŭ adkazie fihuruje proźvišča inšaha aktyvista apazycyi Michaiła Šaramieta.
Nahadajem, što Karetnikaŭ i Šaramiet byli zatrymanyja 16 lipienia i byli źmieščanyja ŭ śledčy izalatar KDB pa padazreńniu ŭ datyčnaści da vybuchu. Praz troje sutak chłopcaŭ adpuścili. Samaje cikavaje, što 4 lipienia Karetnikaŭ byŭ u Strasburhu, pra što śviedčyć štamp u jahonym pašparcie.
«Ja zadavoleny hetym rašeńniem prakuratury, ale niezrazumieła, čamu 24 listapada pamiežniki źniali mianie z kijeŭskaha ciahnika, kali dakumenty byli padpisanyja tryma dniami raniej», — kaža Ju.Karetnikaŭ.