U Homieli sabaka parody baksior napaŭ na vaśmihadovych dziaciej
Fota z vk homielskaj milicyi
Zdareńnie adbyłosia 3 listapada ŭ 16.36 u dvary damoŭ №48-50 pa vuł. Savieckaja, paviedamlaje homielskaja milicyja.
Sabaka parody baksior u momant incydentu byŭ biez napyśnika i pavadka. Jon ukusiŭ 8-hadovaha chłopčyka za tvar i pravuju ruku. Inšaha 8-hadovaha chłopčyka sabaka schapiŭ jaho za rukaŭ kurtki, parvaŭšy jaje.
U momant zdareńnia haspadar sabaki, 54-hadovy mužčyna, znachodziŭsia pobač. Jon byŭ u stanie ałkaholnaha apjanieńnia.
Baćki paciarpiełych dziaciej źviarnulisia z zajavami ŭ milicyju.