Stała viadoma, chto palacić u Paryž zamiest Łukašenki
Biełaruś padčas uračystych mierapryjemstvaŭ da 100-hodździa zakančeńnia Pieršaj suśvietnaj vajny ŭ Paryžy pradstavić staršynia Savieta Respubliki Michaił Miaśnikovič. Pra heta TUT.BY raspaviali ŭ pres-słužbie Savieta Respubliki.
Vizit Michaiła Miaśnikoviča ŭ Francyju budzie prachodzić z 10 pa 12 listapada. 11 listapada staršynia Savieta Respubliki voźmie ŭdzieł u asnoŭnych uračystych mierapryjemstvach, pryśviečanych śviatkavańniu 100-hodździa zakančeńnia Pieršaj suśvietnaj vajny, — miemaryjalnaj cyrymonii kala Tryŭmfalnaj arki, a taksama Paryžskim Forumie miru.
— Vystupu ŭ Michaiła Miaśnikoviča padčas mierapryjemstvaŭ nie zapłanavana, ale kantakty na palach z udzielnikami buduć, — raspaviali ŭ Saviecie Respubliki.
Akramia taho, u ramkach vizitu Miaśnikovič sustreniecca z prezidentam Sienata Francyi Žeraram Łarše i pradstaŭnikami biełaruskaj dyjaspary ŭ Francyi.
Nahadajem, u kancy vieraśnia stała viadoma, što zaprašeńnie ŭziać udzieł va ŭračystych mierapryjemstvach, pryśviečanych śviatkavańniu 100-hodździa zakančeńnia Pieršaj suśvietnaj vajny ŭ Paryžy, atrymaŭ Alaksandr Łukašenka. Tady pres-sakratar Natalla Ejsmant kazała, što pytańnie palacić prezident u Paryž ci nie budzie prapracoŭvacca z ulikam hrafika kiraŭnika dziaržavy