U Biełarusi mohuć admianić kamisiju za anłajn-kuplu čyhunačnych kvitkoŭ
Taryf na kuplu čyhunačnych kvitkoŭ praź internet prapanujecca admianić u Biełarusi. Prajekt pastanovy Savieta Ministraŭ, jaki praduhledžvaje dadzienaje źmianieńnie, vyniesieny na hramadskaje abmierkavańnie i raźmieščany na sajcie Ministerstva antymanapolnaha rehulavańnia i handlu.
Zhodna z prajektam dakumienta, ź pieraliku pasłuh transpartnych čyhunačnych terminałaŭ, taryfy na jakija rehulujucca Ministerstvam antymanapolnaha rehulavańnia i handlu, prapanujecca vyklučyć pasłuhi pa zakazie i afarmleńni biletaŭ praź internet pa bankaŭskich płaciežnych kartkach.
U Biełaruskaj čyhuncy rastłumačyli: «Ciapier taryf za afarmleńnie prajaznych dakumientaŭ na prajezd u ciahnikach rehijanalnych linij biznes-kłasa i mižrehijanalnych linij składaje Br0,11, za zakaz i afarmleńnie prajaznoha dakumienta praź internet na prajezd u hetych ža ciahnikach — Br0,24. Pry admienie taryfu ahulny košt prajezdu pry kupli kvitka praź internet budzie mienšy, čym pry afarmleńni ŭ kasie». Takim čynam novaŭviadzieńnie budzie stymulavać elektronny prodaž čyhunačnych biletaŭ.