U Niamieččynie vykryli zmovu vajskoŭcaŭ, jakija płanavali zabojstva kiraŭnika prarasijskaj partyi
Fiederalnaje kiraŭnictva kryminalnaj palicyjaj Niamieččyny vykryła zmovu vajskoŭcaŭ bundeśviera i elitnych sałdat Uniter, jakija płanavali palityčnyja zabojstvy. Pra heta paviedamlaje niamieckaje vydańnie Focus sa spasyłkaj na materyjały rasśledavańnia.
Adznačajecca, što jany rychtavali «dzień iks», u jaki pavinny byli zabić hrupu palitykaŭ. U śpisie znachodziŭsia kiraŭnik frakcyi prarasijskaj Levaj partyi ŭ parłamiencie Niamieččyny Dytmar Bartč. U hrupy byli sakretnyja zapasy zbroi i paliva.
U zmovu akazaŭsia ŭbłytany i supracoŭnik vajskovaj kontrraźviedki. Jon paviedamlaŭ zmoŭščykam pra chod rasśledavańnia, a taksama pra vobšuki. Vydańnie paviedamlaje, što jamu vystavili abvinavačvańni, a jaho spravu razhledziać u sudzie Kiolna.
Drukujecca ŭ miežach śpiecyjalnaj rubryki «Naviny Hiermanii»