Jak Dźmitryj Kałdun vystupiŭ na vybarach u «DNR» — VIDEA
Biełaruski śpiavak Dźmitryj Kałdun paŭdzielničaŭ u kancercie ŭ tak zvanaj Danieckaj narodnaj respublicy. Kancert adbyvaŭsia paśla vybaraŭ, jakija prajšli 11 listapada.
Na žal, pijarščyca śpievaka Julija Sažyna kateharyčna admoviłasia kamientavać vystup Dźmitryja ŭ DNR. Ale ŭ sacsietkach užo źjaviłasia niekalki videarolikaŭ.
«11 listapada adbyŭsia kancert «Razam da pieramohi» jaki sabraŭ na płoščy Lenina bolš za 15 tysiač žycharoŭ.
Na scenie vystupili tvorčyja kalektyvy respubliki, hučali narodnyja i sučasnyja pieśni. Na mierapryjemstvie prysutničali pradstaŭniki hramadskich arhanizacyj, haradžanie, mnohija trymali ŭ rukach ściahi Danieckaj narodnaj respubliki.
Kancertu papiaredničali narodnyja hulańni. Pačalisia jany ŭ druhoj pałovie dnia. Dzieci vadzili karahody, spartsmieny demanstravali navyki adzinaborstvaŭ, dla žycharoŭ i haściej stalicy DNR była arhanizavana vystava-kirmaš vyrabaŭ dekaratyŭna-prykładnoha mastactva i praca hihanckaha samavara ź biaspłatnaj harbataj.
Vystupiŭ časova vykonvajučaha abaviazki kiraŭnika DNR, kiraŭnik Ruskaha centra Dzianis Pušylin. Mierapryjemstva zaviaršyłasia kancertam zorak rasijskaj estrady — śpiavački Julii Michalčyk i vykanaŭcy Dźmitryja Kałduna.
Kancert adbyŭsia pry padtrymcy Ruskaha centra», — paviedamili miascovyja miedyja.