Jak buduć vyhladać novyja płackarty rasijskaj čyhunki z zonami piersanalnaha kamfortu VYJAVY
Modulnyja prastory i pasažyrskija miescy ź firankami, jakija možna začynić u luby momant, sučasny interjer i viendynhavyja aŭtamaty - taki kancept novych płackartnych vahonaŭ niadaŭna anansavaŭ hiendyrektar Rasijskaj čyhunki Aleh Biełazioraŭ.
Raniej jon raspavioŭ, što na bazie ahulnych i płackartnych vahonaŭ abmiarkoŭvajecca stvareńnie novych, z zonami piersanalnaha kamfortu.
U rasparadžeńni RIA Naviny apynulisia 3D-madeli kanceptu.
Interjer vykanany ŭ śvietłych tanach, sami palicy - u šerych, z čyrvonymi padhałoŭnikami. Stoliki i pieraharodki - pad śvietłaje dreva.
Palicy ŭ novym dyzajnie vyhladajuć jak kanapy z padhałoŭnikami. Kožnaje miesca abstalavana razietkaj i USB-razdymam, a taksama ščylnymi firankami, padobnymi da viertykalnych žaluzi, jakija ŭ luby momant možna začynić i całkam adharadzicca ad spadarožnikaŭ.
U tualetach - hihijeničny duš, spavivalny stolik, aŭtamatyčny kran, dazatar myła, papiarovyja ručniki, sušyłka dla ruk.
Renavacyja pačniecca naleta.