Skotlend-Jard apublikavaŭ novyja VIDEA ź Piatrovym i Bašyravym u Sołśbiery
Skotlend-Jard apublikavaŭ try novyja videazapisy, jakija tyčacca atručeńnia Skrypaloŭ. Videa zroblenyja kamierami nazirańnia ŭ Sołśbiery. Na ich źniaty mužčyny, padobnyja na padazravanych Alaksandra Piatrova i Rusłana Bašyrava.
Skotlend-Jard śćviardžaje, što videa zroblenyja 4 sakavika 2018 hoda — u dzień zamachu na Skrypaloŭ. Pieršaje videa zapisana ŭ 11:48 pa miascovym časie; na im mužčyny prachodziać praz turnikiety čyhunačnaha vakzała. Na druhim videa, źniatym u 11:58, jany iduć mima aŭtazapraŭki na vulicy Uiłtan, jakaja prachodzić niedaloka ad doma Siarhieja Skrypala. Treciaje videa zroblena ŭ 13.00 i pakazvaje ich na vulicy Fišerton za niekalki hadzin da adjezdu z Sołśbiery.
Skotlend-Jard taksama apublikavaŭ fatahrafii fłakona, u jakim, jak miarkujecca, znachodziłasia atrutnaje rečyva «Navičok».