Pahladzicie, jaki ściah stvaryła biełaruskaja mastačka da 100-hodździa źjaŭleńnia ŭ Polščy vybarčaha prava dla žančyn
Mastačka z Homiela Daša Bubien, jakaja zaraz znachodzicca ŭ Polščy, dałučyłasia da śviatkavańnia 100-hodździa źjaŭleńnia tam, u tym liku na terytoryi Zachodniaj Biełarusi, vybarčaha prava dla žančyn.
U 1918 hodzie ŭ šerahu krain Jeŭropy ŭviali vybarčaje prava dla žančyn. Siarod ich byli Vialikabrytanija, Aŭstryja, Hiermanija i Polšča. Z hetaj nahody tam prajšli śviatkavańni i žanočyja demanstracyi.
Tak, u Bierlinie z hetaj nahody vykazałasia Anhieła Mierkiel, jana akcentavała ŭvahu na tym, što ŭ vybarčych orhanach krainy da hetaha času mała žančyn, i ich dolu treba pavialičvać.
U Polščy ž padzieju adznačali ŭ samym centry Varšavy, kudy roznyja žančyny pryjšli sa ściahami. Adzin ź ich zrabiła Daša Bubien.
«Usio prosta. Na tkaninie lik 100, dzie zamiest nuloŭ — žanočyja hrudzi. Šyłasia ŭsio ŭručnuju, kab padkreślić suviaź z tradycyjnymi žanočymi zaniatkami», — raspaviała «NN» Daša.
Da viedama: dekret, jaki śćviardžaŭ, što «vybarščykam sojma źjaŭlajecca kožny hramadzianin dziaržavy niezaležna ad połu» i što «ŭ sojm mohuć być abranyja ŭsie hramadzianie (hramadzianki) dziaržavy, jakija majuć aktyŭnaje vybarčaje prava» 28 listapada 1918 hoda padpisaŭ Juzaf Piłsudski. Ličycca, što na rašeńnie paŭpłyvała ŭ tym liku jaho žonka Alaksandra, jakaja była fieministkaj.