Dziŭny vypadak u Drahičynskim rajonie: mužčyna sam siabie padstreliŭ na palavańni i trapiŭ u komu
Niezvyčajny incydent zdaryŭsia ŭ v. Sarocni ŭ minułuju subotu, piša Viačerni Brest.
Kala 15:00 u rajonnuju balnicu byŭ dastaŭleny 43-hadovy žychar Drahičyna z ahniastrelnym ranieńniem. Drabavy patron 12 kalibra paškodziŭ žyvot, hrudzi i ruku. Milicyja vyśvietliła, što ciažkija traŭmy mužčyna atrymaŭ mienš za hadzinu tamu ŭ lesie.
«Pa słovach paciarpiełaha, u lesie jon byŭ u toj momant adzin, i strelba dała asiečku, — raspavioŭ aficyjny pradstaŭnik UUS Bresckaha abłvykankama Siarhiej Dučenka. — Mužčyna — palaŭničy, u jaho miełasia licenzija, hładkastvolnaja strelba MR-153 była zarehistravana. Zaraz apieratyŭniki praviarajuć, ci sapraŭdy jon byŭ adzin, a strelba dapuściła asiečku. U balnicy mužčynu stała horš: adna z drabinak trapiła ŭ serca, i ciapier jon u komie».