Abvinavačanymi pa «spravie BIEŁTA» zastajucca dźvie hałoŭnyja redaktarki, Maryna Zołatava i Iryna Leŭšyna
Siońnia było zadavolena chadajnictva jašče adnaho redaktara TUT.BY Hanny Jermačonak ab spynieńni kryminalnaha pieraśledu na padstavie art. 86 KK (Vyzvaleńnie ad kryminalnaj adkaznaści z pryciahnieńniem asoby da administracyjnaj adkaznaści).
Hanna Jermačonak zapłaciła administracyjny štraf 30 bazavych vieličyniaŭ (735 rubloŭ). Zaraz pa «spravie BIEŁTA» jana prachodzić jak śviedka. Padpiska ab niavyjeździe admieniena, zabarona na vyjezd z krainy źniata. U aŭtorak byŭ spynieny kryminalny pieraśled jašče piaci supracoŭnikaŭ TUT.BY. Raniej administracyjnyja štrafy zapłacili jašče niekalki žurnalistaŭ, jakija prachodziać pa spravie.
Na dadzieny momant, pavodle infarmacyi TUT.BY, abvinavačanymi pa «spravie BIEŁTA» zastajucca hałoŭny redaktar partału Maryna Zołatava i hałoŭny redaktar BiełaPAN Iryna Leŭšyna. Marynu Zołatava abvinavačvajuć pa č. 2 art. 425 Kryminalnaha kodeksa Biełarusi (Biaździejnaść słužbovaj asoby). Sankcyi pa hetym artykule praduhledžvajuć ad štrafu da piaci hadoŭ pazbaŭleńnia voli. Iryna Leŭšyna abvinavačvajecca pa č.2 349 artykuła (Niesankcyjanavany dostup da kampjutarnaj infarmacyi), pa jakomu było pradjaŭlenaje abvinavačvańnie i astatnim fihurantam spravy. Usiaho ž pa im prachodziła 15 žurnalistaŭ i redaktaraŭ.