Abjadnaŭčy sabor va Ukrainie zapłanavany na 15 śniežnia. U im jość jašče adna intryha
Stvareńnie niezaležnaj ad Maskvy carkvy padychodzić da finišu. Piatro Parašenka abviaściŭ, što abjadnaŭčy sabor Ukrainskaj pamiesnaj pravasłaŭnaj carkvy adbudziecca ŭ Kijevie 15 śniežnia, piša Bi-bi-si.
«Sabor adbudziecca 15 śniežnia 2018 u Śviatoj Safii, jakaja na praciahu stahodździaŭ była centram pravasłaŭnaha ŭkrainskaha relihijnaha žyćcia», - zajaviŭ Parašenka.
U sabory voźmuć udzieł jepiskapy ź jašče niepryznanych ukrainskich cerkvaŭ: UPC Kijeŭskaha patryjarchata i Ukrainskaj aŭtakiefalnaj pravasłaŭnaj carkvy, a taksama ŭsie žadajučyja jepiskapy UPC Maskoŭskaha patryjarchatu. Jon pavinien doŭžycca adzin dzień.
Hety schod maje farmalna stvaryć carkvu, pryniać jaje statut i abrać kiraŭnika. Faktyčna, u hety dzień usie prychilniki niezaležnaści abjadnajucca ŭ adzinuju strukturu — budučuju aŭtakiefalnuju carkvu.
Jak naziralnik na sabory moža prysutničać sam Parašenka.
Hałoŭnaj intryhaj zastajecca imia kiraŭnika budučaj carkvy, jaho nie mohuć nazvać ni ŭ kijeŭskich kabinietach, ni ŭ Kanstancinopali.