Pradaviec u Klimavickim rajonie adzin daŭ rady trom rabaŭnikam z Rasii
Pradaviec handlovaha paviljona ŭ vioscy Źviančatka Klimavickaha rajona Mikita Bialajeŭ adzin zdoleŭ dać adpor trom rabaŭnikam, paviedamlaje milicyja rehijonu.
21 kastryčnika ŭ 18.30 u paviljon zajšli troje mužčyn. Hetych ludziej chłopiec nahladna viedaŭ, jany i raniej nie raz zachodzili siudy.
Niečakana adzin ź ich dastaŭ nož i zapatrabavaŭ hrošy i tavar.
Mikita Bialajeŭ, jaki słužyŭ va ŭnutranych vojskach MUS, pryjomam abiazzbroiŭ rabaŭnika, udaram kułaka zvaliŭ druhoha. Padskočyŭ da dźviarej, šturchnuŭ ich tak, što treci, jaki padpiraŭ dźviery zvonku, adlacieŭ i ŭpaŭ.
Złamyśniki sieli ŭ mašynu i źjechali, a chłopiec patelefanavaŭ u milicyju i paviedamiŭ pra zdareńnie.
Nieŭzabavie złačyncaŭ zatrymali. Imi akazalisia hramadzianie Rasii. Raspačali kryminalnuju spravu pa č. 2 art. 207 KK Biełarusi (Razboj).