Žonka abvinavaciła muža ŭ źbićci, ale na sudzie ŭspłyło VIDEA, na jakim jana bje siabie sama
Aŭstralijec Fiejsał Chan ažaniŭsia ź dziaŭčynaj z Maroka i spadziavaŭsia žyć doŭha i ščaśliva, ale praz vosiem miesiacaŭ jana abvinavaciła jaho ŭ źbićci. Kab dakazać svaju nievinavataść, mužčyna vydatkavaŭ 20 tysiač dalaraŭ. Ciapier jon prosić ułady Aŭstralii departavać žonku, paviedamlaje Daily Mail.
Fota: 9Now.
Žychar Sidneja Fiejsał Chan pabačyŭ svaju budučuju žonku Asmu na sajcie znajomstvaŭ. Dziaŭčyna žyła ŭ Maroka, ale heta nie źbiantežyła zakachanaha, — jon pieravioz žonku da siabie i vosiem miesiacaŭ byŭ absalutna ščaślivy. Ale adnojčy Fiejsał viarnuŭsia dadomu i vyjaviŭ Asmu pasiarod razburanaj kvatery. Žonka zajaviła, što zaraz jamu daviadziecca pahutaryć ź jurystami, i vybiehła z kvatery.
Praź niekalki hadzin u dźviery Fiejsała pahrukalisia palicejskija, jakija paviedamili, što jon źbiŭ žonku. Mužčyna vydatkavaŭ 20 tysiač dalaraŭ na sudy, pierš čym vyjaviŭ zapis z kamier videanazirańnia, ustalavanych u lifcie. Na kadrach Asma sama nanosiła sabie ŭdary pa tvary. Hety zapis vyratavaŭ Fiejsała — usie abvinavačvańni ź jaho byli źniatyja.
Ciapier mužčyna prasiŭ ułady Aŭstralii departavać Asmu nazad u Maroka. Jon pierakanany, što žančyna vyjšła za jaho zamuž tolki dziela atrymańnia aŭstralijskaj vizy. Tym nie mienš pakul nie jasna, ci atrymajecca Fiejsału damahčysia spraviadlivaści, — jaho žonka da hetaha času chavajecca ad pravasudździa.