Pašynian: Razmova z Łukašenkam mianie zadavoliła
Udzielniki niefarmalnaha samitu SND, jaki adbyŭsia na hetym tydni ŭ Pieciarburhu, I. Alijeŭ, N. Pašynian, A. Łukašenka.Fota: kremlin.ru
«Naša razmova mianie zadavoliła», — zajaviŭ, jak piša NEWS.am, u razmovie z žurnalistami v.a. kiraŭnika urada Armienii Nikoł Pašynian.
Jon skazaŭ, što zapatrabavaŭ u Alaksandra Łukašenki tłumačeńniaŭ. Na pytańnie, što heta było za patrabavańnie i jak adbyvałasia razmova, Pašynian adkazaŭ: «Kali ja abvinavačvaju jaho ŭ raskryćci źmiestu zakrytaha pasiadžeńnia, dumaju, budzie niapravilna pastupić hetak ža. Naša razmova mianie zadavoliła».
Nahadajem, napiaredadni Pašynian zajaviŭ ab tym, što ŭ Sankt-Pieciarburhu źbirajecca zapatrabavać ad Łukašenki tłumačeńni adnosna abmierkavańnia z pasłom Azierbajdžana, jaki nie źjaŭlajecca siabram ADKB, situacyi vakoł pryznačeńnia hienieralnaha sakratara arhanizacyi.