Sotni rasijskich tankaŭ, ściahnutyja da miažy z Ukrainaj, patrapili na spadarožnikavyja FOTY
Fota: Defence Blog
Na spadarožnikavyja zdymki Google Earth, zroblenyja ŭ kancy listapada, jakija demanstrujuć pryharad Kamienska-Šachcinskaha ŭ Rastoŭskaj vobłaści, patrapili «sotni rasijskich tankaŭ la miažy z Ukrainaj», piša Defence Blog.
Vajskovaja technika raźmieščana ŭsiaho za 18 kiłamietraŭ ad miažy z Łuhanskaj vobłaściu, cytuje tvit Lenta.ru. Akramia sotniaŭ tankaŭ, pierš za ŭsio T-64 i T-62M, na zdymkach možna razhledzieć, u pryvatnaści, niekalki tysiač vajskovych hruzavikoŭ.
U kancy listapada Parašenka svaim ukazam uvioŭ vajennaje stanovišča ŭ šerahu rehijonaŭ Ukrainy, jakija miažujuć z Rasijaj i Prydniastroŭjem — Vińnickaj, Łuhanskaj, Mikałajeŭskaj, Adeskaj, Sumskaj, Charkaŭskaj, Čarnihaŭskaj, Chiersonskaj, Danieckaj i Zaparožskaj abłaściach, a taksama va ŭnutranych vodach Azoŭskaha-Kierčanskaj akvatoryi.
Defence Blog — najbujniejšy niezaležny sajt, pryśviečany vajskovym i abaronnym technałohijam.