Urad vyzvalaje ceny

Saviet ministraŭ pryniaŭ pastanovu, pavodle jakoj ceny na biełaruskuju pradukcyju na ŭnutranym rynku buduć farmavacca sychodziačy z rynkavaj sytuacyi.

Biełaruski ŭrad pryniaŭ pastanovu, pavodle jakoj ceny na biełaruskuju pradukcyju na ŭnutranym rynku buduć farmavacca sychodziačy z rynkavaj sytuacyi. Ci pryviadzie heta da rostu cenaŭ?

Pavodle namieśnika ministra ekanomiki Andreja Tura, biełaruskim pradpryjemstvam dazvolena farmavać ceny na ekspartavanuju pradukcyju ŭ zaležnaści ad kanjunktury rynku. Adnak heta norma raspaŭsiudžvajecca i na ŭnutrany rynak. Što aznačaje novaja cenavaja palityka?Ci pryviadzie heta da rostu cenaŭ?

U razmovie z karespandentam Svabody Andrej Tur adznačyŭ:

‑‑ Kali rynki zhortvajucca, kali niama zbytu pradukcyi, jak vy možacie pradavać pradukcyju? Jakija ceny vyrastuć, kali vy jaje pradać nia možacie i pa hetych cenach? Vy pa hetych nia možacie pradać?»

— Heta toje, što idzie na ekspart. A na ŭnutranym rynku?»

— A na ŭnutranym rynku toje ž samaje. Što, u nas zapasy hatovaj pradukcyi tolki na vonkavy rynak vyraśli? A na ŭnutrany? Vy pasprabujcie realizavać pradukcyju.

Pavodle Andreja Tura,

pradpryjemstvy mohuć farmavać ceny navat nižej za sabiekošt.

Ekanamist Aleś Čubryk miarkuje, što ŭ peŭnym sensie hety krok uradu liberalizacyjny, kali nasamreč ceny vyzvalili. Heta budzie vieści da rotu cenaŭ, kali Nacbank budzie drukavać davoli hrošaj, kab padsiłkoŭvać inflacyju ci devalvacyju:

— Kali vy źvierniecie ŭvahu na dynamiku cenaŭ impartavanych tavaraŭ, naprykład, na budmateryjały, to ŭbačycie, što ceny ŭ biełaruskich rublach zaraz mianiajucca z toj ža chutkaściu, jak i kurs dalaru ŭ abmiennych punktach.

To bok idzie pastajannaja karektyroŭka na devalvacyju, devalvacyja pačynaje ŭpłyvać na ceny. I kali Nacbank budzie drukavać šmat hrošaj, my nie paźbiehniem nia tolki devalvacyi, ale j inflacyi.

Kamientary da artykuła