Alena Kupčyna abrana staršynioj salidnaha kamiteta pry AAN
BiełTA
Pastajanny pradstaŭnik Biełarusi pry mižnarodnych arhanizacyjach u Vienie Alena Kupčyna abranaja staršynioj Kamisii pa praduchileńni złačynnaści i kryminalnym pravasudździ Ekanamičnaha i sacyjalnaha savieta AAN (EKASAS). Takoje rašeńnie było pryniata padčas 27-j siesii kamisii 6-7 śniežnia ŭ Vienie, piša BiełTA.
Pradstaŭnik Biełarusi byŭ abrany na pasadu kiraŭnika funkcyjanalnaj kamisii EKASAS AAN upieršyniu. Kupčyna budzie zajmać hetuju pasadu da siaredziny śniežnia 2019 hoda.
EKASAS zajmaje centralnaje miesca ŭ dziejnaści sistemy AAN pa prasoŭvańni ŭsich troch aśpiektaŭ ŭstojlivaha raźvićcia — ekanamičnaha, sacyjalnaha i ekałahičnaha. U skład savieta ŭvachodziać vosiem funkcyjanalnych kamisij, dźvie ź jakich — pa praduchileńni złačynnaści i kryminalnym pravasudździ i pa narkatyčnych srodkach — pracujuć na bazie Adździaleńnia AAN u Vienie.
Kamisija pa praduchileńni złačynnaści — centralny orhan sistemy AAN, jaki adkazvaje za farmulavańnie mižnarodnych padychodaŭ u halinie papiaredžańnia złačynnaści i ažyćciaŭleńnia kryminalnaha pravasudździa, u tym liku ŭ takich śfierach, jak baraćba z handlem ludźmi, transnacyjanalnaj arhanizavanaj złačynnaściu i karupcyjaj.