Aleh Hajdukievič pasprabavaŭ pakrytykavać Łukašenku. Ale zdajecca, usio adno pachvaliŭ
Aleh Hajdukievič. Fota Voli Aficeravaj.
Namieśnik staršyni Libieralna-demakratyčnaj partyi Biełarusi Aleh Hajdukievič pasprabavaŭ u prahramie «Tok» sfarmulavać pamyłki Alaksandra Łukašenki jak kiraŭnika krainy.
— Vy choć raz krytykavali Łukašenku adkryta?
— Viadoma.
— Nazavicie mnie try faktary, try niejkija nazirańni, pamyłki Łukašenki jak prezidenta.
— Samaja hałoŭnaja reč, jakuju pavinien, na moj pohlad, rabić prezident. Pieršaje — prezidentu my pavinny być udziačnyja…
— Ja nie pra ŭdziačnaść. Try niedachopy.
— A z hetaha treba pačynać. Treba pačynać z adnoj prostaj pryčyny. Kab razumieć toje, što ja dalej skažu.
— Heta «technika buterbroda». Pachvalim, pakrytykujem, pachvalim. Kab nie było prablem.
— Naša partyja i adroźnivajecca tym. Pazicyja maja takaja: my pavinny ŭładu chvalić tam, dzie treba chvalić, i łajać tam, dzie treba łajać.
— Vy ŭžo dastatkova jaje pachvalili. Davajcie skažam pra niedachopy.
— Prezident zachavaŭ krainu. Kali b nie Łukašenka ŭ 1996 hodzie, kali b pieramoh Viarchoŭny saviet (heta majo pierakanańnie)… Ja viedaju ŭsich: i Šareckaha, i ŭsich, chto tam siadzieŭ. Jany nie dumali pra krainu — jany dumali tolki pra ŭłasny azadak i ŭłasnyja palityčnyja ambicyi. Kali b na toj momant prezident nie pieramoh — krainy b nie było. Samaje hałoŭnaje pažadańnie prezidentu, toje, što my budziem krytykavać, — heta toje, što treba raźvivać palityčnuju sistemu krainy. My havorym šmat pra ekanomiku. My kažam, što treba reformy pravodzić, padtrymlivać biznes. Ale biez raźvićcia palityčnych instytutaŭ heta ciahnie ryzyki za saboj. My heta bačym ciapier i ŭ rehijonach, i ŭ centry. Treba raźvivać palityčnuju sistemu.