Chto taki Hahien Sołncaŭ, jakoha biełarusy šukali ŭ Jandeksie?
Rasijskaja pošukavaja sistema Jandeks apublikavała źviestki, jakich asobaŭ šukali biełarusy ŭ internecie ŭ 2018 hodzie.
Na pieršym miescy ŭ zapytach pošukavika Chabib Nurmahamiedaŭ — heta rasijski bajec źmiešanych bajavych adzinaborstvaŭ.
Hahien Sołncaŭ (sprava) z žonkaj. Fota Teleprogramma.pro.
Na druhim ža miescy ŭ zapytach šoumen Hahien Sołncaŭ. Jon pastajanny ŭdzielnik rasijskich tok-šou kštałtu «Niachaj havorać», udzielničaŭ u pieradačy «Dom-2».
Słavu nabyŭ taksama svaim viasiellem z Kaciarynaj Cieraškovič. Na momant viasiella Sołncavu było 37 hadoŭ, a jahonaj niavieście — 63.
Na trecim miescy słavuty ŭ minułym arhiencinski futbalist Dyjeha Maradona, jaki sioleta staŭ staršynioj praŭleńnia ŭ bresckim «Dynama».
Dalej iduć rasijski futbalist Arciom Dziuba, śpiavak ALEKSEEV, jaki pradstaŭlaŭ Biełaruś na «Jeŭrabačańni».
U śpisie tolki adna biełaruska — na 10-m radku tenisistka Aryna Sabalenka.