Adnaho akciora z «ŁHBT-milicyi» aštrafavali, dvaich zatrymali
Ranicaj 11 śniežnia akciora teatralnaj łabaratoryi Fortinbras iznoŭ dastavili ŭ sud Centralnaha rajona. Ciapier jon čakaje mahčymaści aznajomicca z «dapracavanym» pratakołam. Adnak u budynak suda jaho nie zavodziać, a trymajuć u śpiecaŭtamabili, piša spring96.org.
Adna ź siabrovak zatrymanaha raspaviała, što na praciahu hetych dzion amal niemahčyma atrymać anijakaj dakładnaj infarmacyi: nichto ničoha nie tłumačyć, davali supiarečlivyja dadzienyja.
Sudovaje pasiadžeńnie viała Viktoryja Šabunia. Adzin z akcioraŭ aštrafavany na 367,5 rubla (15 bazavych vieličyniaŭ), dvoje inšych studentaŭ zatrymanyja da suda i znachodziacca ŭ CIPie. Sud budzie zaŭtra.