Rasija patrabuje ad Biełarusi «dalejšaj intehracyi», biez hetaha nie abmiarkoŭvaje kampiensacyju padatkovaha manieŭru
Vice-premjer Rasii Dźmitryj Kozak admoviŭsia abmiarkoŭvać kampiensacyju strat ad padatkovaha manieŭru ź vice-premjeram Biełarusi Iharam Lašenkam i pasłom u Rasii Uładzimiram Siamaškam.
Dźmitryj Kozak. Fota: kremlin.ru.
Rasijski bok nie ličyć mahčymym heta abmiarkoŭvać
«da pryniaćcia pryncypovych rašeńniaŭ pra ruch u kirunku dalejšaj intehracyi Rasii i Biełarusi ŭ ramkach Sajuznaj dziaržavy», — paviedamlaje «Interfaks».
Nahadajem, urad Rasii pačynaje z 2019 hoda padatkovy manieŭr, praź jaki biudžet Biełarusi, pavodle roznych acenak, moža stracić $10—11 miljardaŭ za 6 hadoŭ, kali baki nie damoviacca pra kampiensacyju.