Mahiloviec pradavaŭ adzin ajfon čatyrom ludziam
26-hadovy indyvidualny pradprymalnik u Mahilovie staŭ achviaraj machlara. Małady čałaviek chacieŭ nabyć sabie novy ajfon. Jon stelefanavaŭsia z pradaŭcom, jaki daŭ abjavu ab prodažy ŭ internecie, pieraličyŭ na jaho bankaŭskuju kartu hrošy, ale telefona tak i nie dačakaŭsia.
Supracoŭniki adździeła kryminalnaha vyšuku vyśvietlili, što mahiloŭca padmanuŭ 18-hadovy navučeniec adnaho z kaledžaŭ. Chłopiec vystaviŭ na prodaž svoj telefon, adnak pradavać jaho nikomu nie źbiraŭsia.
Zvanki išli z roznych abłaściej Biełarusi. Chłopiec abiacaŭ vysłać srodak suviazi paśla pieradapłaty. Pakupniki pierasyłali hrošy, ale pasyłka tak i nie prychodziła.
Pryjaciel ašukanaha mahiloŭca taksama patelefanavaŭ na numar pradaŭca i pačuŭ, što telefon pa-raniejšamu pradajecca, i jaho možna nabyć, pieraličyŭšy hrošy.
Uśviadomiŭšy, što jaho padmanuli, chłopiec źviarnuŭsia ŭ milicyju. Akazałasia, što takim čynam padmanuli jašče troch čałaviek. Ahulny ŭron — 427 rubloŭ.