Kanfuz aficyjanta na nobieleŭskim bankiecie trapiŭ na VIDEA
Vadzimas pierajechaŭ u Šviecyju ź Litvy ŭ 2006 hodzie i z taho času štohod pracuje na tradycyjnym bankiecie z nahody ŭručeńnia Nobieleŭskaj premii. 13-y raz byŭ dla jaho krychu niezvyčajnym, piša limon.ee sa spasyłkaj na expressen.
Štohadovuju ŭračystuju viačeru absłuhoŭvali 40 kucharaŭ i 190 aficyjantaŭ. I kanfuz adnaho ź ich trapiŭ na kamieru. Vadzimas raznosiŭ ježu i vypuściŭ zakusku z zapiečanym sielderejem prafiesaru malekularnaj i kletačnaj bijałohii Danu Łarchamaru na pinžak.
Vadzimas vyrašyŭ vypravić situacyju. Z vytančanaj lohkaściu i paciešnaj mimikaj, niby ŭ mistera Bina, jon pasprabavaŭ vycierci śpinu akademika. Pavodle jaho słoŭ, kanfliktu pamiž imi nie paŭstała. A restaran paźniej apłaciŭ navukoŭcu chimčystku.