«Padumaješ, u vychadnyja mienš vypju». Biełarus pahasiŭ kredyt, jaki rasijanka ŭziała na lačeńnie sabaki
Biełarus Vital Hryń žyvie na dva harady: u Minsku i Maskvie. Pracuje PR-kansultantam. Vypadkova pabačyŭ u internecie kranalnuju historyju piensijanierki z Kurhanskaj vobłaści, jakaja ŭziała kredyt u banku na 20 000 rasijskich rubloŭ (prykładna 300 dołaraŭ), kab apłacić lačeńnie sabaki Jaryka, jakoha znajšła pakalečanaha na ŭzbočynie darohi.
Sabaku były haspadar pryviazaŭ da mašyny i ciahnuŭ na pavadku pa darozie.
Hetaja historyja kranuła Vitala Hrynia:
«Ja padumaŭ, što naŭrad ci chto ŭziaŭ by kredyt u banku, kab vyratavać źbitaha mašynaj… mianie. Dy i naohuł, usie my ŭ peŭnym sensie znachodzimsia na ŭzbočynie. Patelefanavaŭ u redakcyju, jakaja rabiła materyjał pra žančynu z sabačkam, i pieraličyŭ hrošy. Dy tam i suma nie takaja vialikaja, kab adčuć siabie hierojem. Adčuvaju, što ŭ adnyja vychadnyja vypju mieniej».
U Vitala doma žyvie kot, jakoha mužčyna zabraŭ z vulicy.
«Ja nie mahu skazać, kab asabliva lubiŭ žyvioł, nu tolki svajho kata lublu, aha. A ad taho, što dapamoh charošamu čałavieku, dyk nastroj sabie padniaŭ».