Łukašenka vykazaŭsia pra śmiarotnaje pakarańnie
Alaksandr Łukašenka siońnia na sustrečy z pradstaŭnikami rasijskich ŚMI vykazaŭsia na temu śmiarotnaha pakarańnia, padkreśliŭšy, što nie moža admianić jaho ŭ krainie, piša BiełTA.
Jon raskazaŭ, što vyvučaje situacyju zachodnich krain, dzie ličać, što pytańnie śmiarotnaha pakarańnia nie pavinna vynosicca na refierendum. Pry hetym u razmovie ź biełaruskim kiraŭnikom pradstaŭniki Zachadu pryznajuć, što dźvie traciny nasielnictva padtrymali b prymianieńnie vyklučnaj miery pakarańnia. «Jany pryvykli havaryć, što heta pytańnie nie dla naroda. A ja liču — dla naroda», — padkreśliŭ jon.
Jon nahadaŭ, što ŭ Biełarusi adbyŭsia refierendum, na jakim bolšaść hramadzian vykazałasia suprać admieny śmiarotnaj kary. «U nas prajšoŭ refierendum. Admianić śmiarotnaje pakarańnie nie mahu», — dadaŭ Alaksandr Łukašenka. Na dumku biełaruskaha kiraŭnika, u Rasii, dzie dziejničaje maratoryj na śmiarotnaje pakarańnie, nasielnictva taksama nie padtrymała b jaho admienu.