U Maładziečnie 21-hadovaja dziaŭčyna prydumała, jak znajści zhubleny telefon. Jana zajaviła pra jaho kradziež
21-hadovaja dziaŭčyna źviarnułasia ŭ milicyju i zajaviła, što ŭ haradskim aŭtobusie ŭ jaje skrali telefon. Košt hadžeta dziaŭčyna acaniła ŭ 120 rubloŭ.
Adnak śledčy zasumniavaŭsia ŭ pakazańniach, zaŭvažyŭšy niestykoŭki.
U vyniku dziaŭčyna pryznałasia, što dała svoj telefon chłopcu, a toj jaho zhubiŭ. Zajaviŭšy pra kradziež, jana spadziavałasia, što śledčyja chutka znojduć mabilnik. Smartfon znajšli znajomyja chłopca, ź jakimi jon vypivaŭ i zhubiŭ mabilnik u kampanii.
U vyniku suprać dziaŭčyny była zaviedziena sprava za zahadzia iłžyvy danos. Jana aštrafavana na 735 rubloŭ (30 bazavych). Prysud, praŭda, nie ŭstupiŭ u siłu i moža być abskardžany.