Kandrusievič: Pytańnie vizitu papy ŭ Biełaruś nie vyrašana
Pytańnie vizitu papy rymskaha ŭ Biełaruś pakul što nie vyrašana, adznačyŭ arcybiskup Tadevuš Kandrusievič u intervju telekanału STV.
«Sioleta mnie šmat razoŭ daviałosia sustrakacca z papam. Uvieś kastryčnik pravioŭ u Rymie, tamu što było čarhovaje pasiadžeńnie Sinoda biskupaŭ. I tak atrymałasia, što mianie pasialili ŭ toj ža dom, dzie žyvie papa, tamu my sustrakalisia padčas abiedu, viačery. Davodziłasia navat iści razam — jon pieššu zaŭsiody idzie z doma śviatoj Marfy ŭ zału Sinoda. My zakranali hetaje pytańnie. Spadziajusia. Pakul što jašče pytańnie nie vyrašana da kanca, ale vidać, što vielmi chacieŭ by pryjechać», — skazaŭ Tadevuš Kandrusievič.